2026 წლის 18 სექტემბერს, საქართველოს უნივერსიტეტის თამაზ ბერაძის სახელობის ქართველოლოგიის ინსტიტუტის ყოველკვირეულ სემინარზე წარმოდგენილი იყო თეა მეშველიშვილის და თამრიკო (თამარ) ლეკიაშვილის სამეცნიერო მივლინების ანგარიში.

„საქართველოს შესახებ მე-17 საუკუნის ოსმალური ფირმანებისა და ბერათების მოძიება“:

 თამაზ ბერაძის სახელობის ქართველოლოგიის ინსტიტუტის აღმოსავლეთმცოდნეობის განყოფილების მკვლევართა მივლინების ძირითად მიზანს წარმოადგენდა ქ. სტამბოლში, თურქეთის რესპუბლიკის საპრეზიდენტო სახელმწიფო არქივში (ოსმალეთის არქივის სექციაში) დაცული ქართველოლოგიური ხასიათის პირველწყაროების, დოკუმენტებისა და ხელნაწერების მოძიება, შესწავლა და სისტემატიზაცია. 15-დან 25 ივლისის ჩათვლით დაგეგმილი სამუშაოების ფარგლებში განსაკუთრებული ყურადღება დაეთმო საქართველოს ისტორიისა და გეოგრაფიის ამსახველი ოსმალური დოკუმენტური მასალების (მათ შორის, დავთრების, ოფიციალური მიმოწერებისა და განკარგულებების) მოძიებას