საქართველოს
უნივერსიტეტი

თამაზ ბერაძის სახელობის ქართველოლოგიის ინსტიტუტი


კვლევითი პროექტის აღწერა
პროექტის დასახელება: ქართული ორიგინალური ჰაგიოგრაფიის კორპუსი, I
მოკლე აღწერა: პროექტის ფარგლებში განზრახულია ქართული ორიგინალური ჰაგიოგრაფიის ძეგლების (სულ - 20 თხზულება)კრიტიკულად დადგენილი ტექსტების გამოცემა - კვლევითი ნაწილის, სრული სამეცნიერო აპარატისა და ვიზუალური მასალის დართვით. პროექტისთვის შერჩეულია შემდეგი ტექსტები: 1. იაკობ ხუცესი - შუშანიკის წამება; 2. უცნობი ავტორი - ევსტათი მცხეთელის მარტვილობა; 3. უცნობი ავტორი - მარტვილობა ცხრა ძმა კოლაელთა; 4. დავითისა და ტირიჭანის წამება; 5. იოვანე საბანისძე - აბოს წამება; 6. კოსტანტი კახის მარტვილობა; 7. გობრონის წამება; 8. მიქაელ პარეხელის ცხოვრება 9. წმინდა ნინოს ცხოვრება; 10. სერაპიონ ზარზმელის ცხოვრება; 11. გრიგოლ ხანძთელის ცხოვრება; 12. ასურელ მამათა ცხოვრება; 13. ილარიონ ქართველის ცხოვრება; 14. ექვთიმე და იოანე ათონელების ცხოვრება; 15. გიორგი მთაწმიდელის ცხოვრება; 16. ლუარსაბ მეფის წამება; 17. შალვა, ბიძინა და ელიზბარ ერისთავების წამება 18. დავითისა და კონსტანტინეს წამება 19. რაჟდენ პირველმოწამის წამება 20. არჩილ მეფის წამება პროექტი მრავალწლიანია და მისი სააგარიშო პერიოდებს განსაზღვრავს იმ ტექსტების მოცულობა, ტექსტოლოგიური და ლიტერატურული მახასიათებლები, რომლებზეც წარიმართება მუშაობა, ინსტიტუტის ხელმძღვანელთან შეთანხმებული შეთანხმებული თანმიმდევრობითა და გრაფიკით. პროექტის I ეტაპი: პირველი სამწლიანი საანგარიშო პერიოდი, რომელიც 2023-2026 წწ. მოიცავს, ქართული მწერლობის პირველ ორიგინალურ ძეგლს „შუშანიკის წამებას“ ეთმობა. პროექტის ფარგლებში: 1) არსებული 11 ხელნაწერის მიხედვით, მიმდინარეობს ტექსტის დადგენის პროცესი; 2) დადგენილ ტექსტთან უკვე არსებული კრიტიკული გამოცემების შედარება კითხვასხვაობების ასახვისა და კვლევითი მიზნებისვის; 3) პარალელურად აუცილებელია „შუშანიკის წამების" ირგვლივ დღემდე გამოქვეყნებული სამეცნიერო პუბლიკაციების მაქსიმალურად შესწავლა-ათვისება იმისთვის, რომ ახალმა გამოცემამ საეტაპო ხასიათი შეიძინოს, თხზულებასთან დაკავშირებული პრობლემატიკის მთელი სპექტრი მოიცვას და გამოავლინოს ის საკითხები, რომლებიც აქტუალურია არამარტო ქართული სამეცნიერო საზოგადოებისთვის, არამედ მედიევისტიკის, ბიზანტინისტიკის, კომპარატივისტიკისა თუ ლიტერატურათმცოდნეობისათვის საერთო, მსოფლიო კონტექსტშიც. 4) თხზულებასთან დაკავშირებული პრობლემური და ფუნდამენტური საკითხების სისტემატიზაცია და პროექტის შემსრულებლებისთვის, მათი ინტერესისა და კომპეტენციის სპეციფიკის გათვალისწინებით, ახალი გამოცემისთვის შესაბამისი თავების/სტატიების მოსამზადებლად თემების შერჩევა 5) სტატიების შექმნა, მათი რედაქტირება, კორექცია და რევიზია. 6) წიგნის კონცეფციის საბოლოო შეჯერება და მკვლევართა ჯგუფის მიერ მომზადებული მასალის გაერთიანება, დაკაბადონება და გამომცემლობისთვის გადაცემა. 7) დასაბეჭდად გამზადებული წიგნის კორექტურა. ზემოთ აღწერილი სამუშაოთა აღწერილობა აქტუალური და რელევანტურია დეპარტამენტის პროექტის (ქართული ორინიგანული ჰაგიოგრაფიის კორპუსი) ყველა ტექსტისთვის.
ხელმძღვანელი: მრევლიშვილი ნანა
თანახელმძღვანელი:
მონაწილეები: ბერუაშვილი თინათინ,გულიაშვილი სოფიო,ვაშაყმაძე ლალი,ტაბატაძე გურამ,ჯანგულაშვილი ნათია,ჯიქურაშვილი თინათინ
საკითხის აქტუალობა: წლების განმავლობაში არაერთი სამეცნიერო გამოკვლევა დაიწერა ქართულ ჰაგიოგრაფიულ ტექსტებთან დაკავშირებით. გამოსაქვეყნებლად განზრახული გამოცემების კვლევით ნაწილში წარმოდგენილი იქნება როგორც სამეცნიერო სივრცეში არსებული თვალსაზრისები, ისე - პროექტის ფარგლებში კვლევის შედეგად მიღებული დასკვნები.
მოსალოდნელი სიახლე: გამოიცემა კრიტიკულად დადგენილი ტექსტები, რაც გულიასხმობს ყველა არსებულ ხელნაწერისა და კრიტიკული გამოცემის გათვალისწინებასა და სამეცნიერო აპარატის, გამოკვლევების, ლექსიკონისა და ვიზულური მასალის დართვას.
სავარაუდო გეგმა: ხელნაწერების შესწავლა - ტექსტის დადგენა ლიტერატურის შესწავლა - კლასიფიკაცია თემების გამოკვეთა - მკვლევრებისთვის სტატიების თემატიკისა და კვლევითი მიმართულების შეთავაზება სტატიებზე მუშაობა ლექსიკონის შედგენა ბიბლიოგრაფიის შედგენა გამოცემის შავი ვარიანტის შექმნა - კონცეფციის შესაბამისად მასალის დალაგება სტატიების რედაქტირება ავტორებისა და სამეცნიერო რედაქტორის მიერ ვრცელი ორენოვანი რეზიუმეს მომზადება რეცენზენტთან წიგნის გაგზავნა ბოლო კორექტურა საძიებლების შექმნა წიგნის გამომცემლობისთვის გადაცემა მომზადება გამოსაცემად; გამოკვლევის, ლექსიკონისა და საძიებლების მომზადება.
დონორი:
გრანტი:
სკოლა/დეპარტამენტი/ინსტიტუტი: თამაზ ბერაძის სახელობის ქართველოლოგიის ინსტიტუტის ენისა და ლიტერატურის დეპარტამენტი
დაწყება: 2023-03-01
დასრულება: 2026-05-12
მიზნობრიობა: სამეცნიერო
სტატუსი: მიმდინარე
დაფინანსდა კი/არა:
პროექტის ღირებულება:
პროექტის პირველადი ხარჯთაღრიცხვა:
პროექტის საბოლოო ხარჯთაღრიცხვა:
დონორისგან მიღებული თანხა:
თანადამფინანსებელი:
თანამშრომლობა/პარტნიორობა:
პუბლიკაცია:

კონტაქტი

2 55 22 22
კოსტავას 77ა